Bələdiyyələr də qanun pozuntusu azalmaq əvəzinə artıb
Ölkə.az xəbər verir ki, bu, Milli Məclisin Regional məsələlər komitəsinin bu gün keçirilən iclasında müzakirəyə çıxarılan "Bələdiyyələrin fəaliyyətinə inzibati nəzarəti həyata keçirən orqanın illik məruzəsində" əksini tapıb.
2025-ci ildə inzibati nəzarət qaydasında baxılması üçün daxil olmuş 81711 bələdiyyə aktı hüquqi ekspertizadan keçirilib.
Daxil olan aktların ekspertizası nəticədə 79448 (97,2%) aktın qanunvericiliyə uyğun olduğu müəyyən edilsə də, normativ hüquqi aktların tələblərinə zidd olan 1645 (2%) aktın dəyişdirilməsi və ya ləğv edilməsi üçün bələdiyyələrə təkliflər verilib.
Verilmiş təkliflər əsasında bələdiyyələr tərəfindən 644 (0,79%) akt ləğv edilib, 950 (1,16%) akt dəyişdirilib. Bələdiyyələr tərəfindən təmin olunmayan 7 (0,008%) təklif üzrə məhkəmələrdə iddia qaldırılıb.
Müraciətlər üzrə inzibati nəzarət icraatı nəticəsində aşkar edilərək dəyişdirilməsi və ləğv edilməsi ilə bağlı aidiyyəti bələdiyyələrə verilmiş təkliflər əsasında qanunvericiliyin tələblərinə zidd 53 bələdiyyə aktının hamısı ləğv edilib. Ümumilikdə həm aktlar, həm də müraciətlər üzrə inzibati nəzarət icraatı zamanı təklif verilmiş 1698 aktdan 697-si (41%) ləğv edilib, 950-si (56%) dəyişdirilib, 7 (0,4%) təklif üzrə məhkəmələrdə iddia qaldırılıb.
Sənəddə qeyd olunur ki, birləşmə nəticəsində ölkə üzrə bələdiyyələrin sayı 57% azalsa da, 2024-2025-ci illər üzrə məlumatların müqayisəli təhlilindən görünür ki, bir sıra göstəricilər buna mütənasib şəkildə azalmamış, əksinə müəyyən sahələrdə artım müşahidə olunub.
Fəaliyyəti yoxlanılmış bələdiyyələrin sayında 33%, aidiyyəti hüquq mühafizə orqanlarına göndərilmiş materialların sayında 22%, məhkəməyə göndərilmiş inzibati xəta haqqında protokolların təmini nisbətində 11% artıma nail olunub.
Mürtəza
