Kim Çen Inın bacısından bu ölkəyə xəbərdarlıq: Cavab dəhşətli olacaq
Şimali Koreya lideri Kim Çen Inın bacısı Kim Yo Conq Cənubi Koreyaya xəbərdarlıq edib ki, ölkənin hava məkanının hər hansı bir pozulması "dəhşətli" cavabla qarşılanacaq.
Ölkə.Az xəbər verir ki, bu barədə "Bloomberg" məlumat yayıb.
"Mən əvvəlcədən xəbərdarlıq edirəm ki, KXDR-in ayrılmaz suverenliyini pozmaq kimi təxribatların təkrarlanması, şübhəsiz ki, dəhşətli cavab doğuracaq", - deyə siyasətçi bildirib.
Daha əvvəl Pxenyan Seulu hava məkanına dron göndərməkdə günahlandırıb və iddia edilən dağıntıların şəklini yayıb. Cənubi Koreya ordusu hər hansı bir əlaqəsini inkar edib. Onlar dronların mülki şəxslər tərəfindən göndərilib-göndərilmədiyini araşdıracaqlarına söz veriblər.
2025-ci ilin noyabr ayında Cənubi Koreya sərhəd boyunca gərginliyi azaltmaq və təhlükəsizlik tədbirlərini müzakirə etmək üçün Şimali Koreya tərəfi ilə rəsmi hərbi danışıqlar aparmağı təklif etmişdi.
