Şok reytinq cədvəli açıqlandı - Dünyanın ən zəngin ölkəsi
Təbii sərvətlər üzrə qlobal balansı alt-üst edən iqtisadi və hərbi gücün əsasını təşkil edən enerji, nadir metallar, strateji xammal ehtiyatlarına əsaslanan yeni hesabat hazırlanıb.
Ölkə.az xəbər verir ki, Almaniyada yerləşən Statista araşdırma mərkəzi hazırladığı hesabata əsasən dünyanın təbii sərvətlərinə görə ən varlı ölkələrinin siyahısını açıqlayıb.
Təbii sərvətlər ölkənin iqtisadi gücünü və müdafiə qabiliyyətini müəyyən edən ən vacib amillərdən biridir. Onlar enerji istehsalından sənayeyə, kənd təsərrüfatından texnologiyaya qədər bir çox sahələrdə istifadə olunur və millətlərin inkişafında mühüm rol oynayır.
Təbii sərvətlərin bolluğu ölkənin iqtisadi artımını sürətləndirməklə yanaşı, xarici asılılığı azaltmaqla strateji üstünlüklər də təmin edir.
Bu reytinq bir daha göstərir ki, təbii sərvətlər XXI əsrdə geosiyasi gücün ən mühüm sütunlarından biri olaraq qalır.
Təbii sərvətlərə görə TOP-10 ölkə:
10) Venesuela – 14 trilyon dollar
Neft, təbii qaz, dəmir
9) İraq – 16 trilyon dollar
Neft, fosfat
8) Avstraliya – 20 trilyon dollar
Uran, qızıl, kömür, ağac, mis, dəmir filizi
7) Braziliya – 22 trilyon dollar
Qızıl, uran, ağac, neft
6) Çin – 23 trilyon dollar
Kömür, nadir torpaq metalları, ağac
5) İran – 27 trilyon dollar
Neft, təbii qaz
4) Kanada – 33 trilyon dollar
Uran, ağac, fosfat, təbii qaz, neft
3) Səudiyyə Ərəbistanı – 34 trilyon dollar
Neft ehtiyatları
2) ABŞ – 45 trilyon dollar
Mis, qızıl, təbii qaz, kömür, ağac
Top onluqda hamını geridə qoyan ölkə isə Rusiyadır.
1) Rusiya – 75 trilyon dollar
Qızıl, kömür, neft, nadir metallar, nəhəng meşə ehtiyatları və dünyanın ən böyük təbii qaz rezervləri ilə Rusiya siyahının açıq fərqlə lideridir.
Niyə bu reytinq vacibdir?
Təbii sərvətlər yalnız iqtisadi inkişaf demək deyil. Bu, həm də enerji təhlükəsizliyi, hərbi sənaye, texnologiya istehsalı və geosiyasi təsir deməkdir. Bu səbəbdən dünyanın diqqəti təbii sərvətləri ən bol olan ölkələrə yönəlməkdə davam edir.
Mürtəza
