İranın çirkin planı: Naxçıvana hücum dünyanı silkələdi
Martın 5-də baş verən hadisə isə bu riyakarlığın növbəti bariz nümunəsi oldu. Azərbaycan ərazisi olan Naxçıvan Muxtar Respublikası ərazisinə pilotsuz uçuş aparatları ilə hücuma məruz qaldı. Mülki obyektlərin hədəf alındığı bu hadisə rəsmi Bakı tərəfindən açıq şəkildə terror aktı kimi qiymətləndirildi.
Prezident İlham Əliyev də məsələ ilə bağlı çıxışında İranın bu addımını qəti şəkildə pislədi və açıq mesaj verdi ki, Azərbaycan öz ərazisinə qarşı yönəlmiş heç bir təxribatla barışmayacaq”.
Bunu Ölkə.az-a açıqlamasında deputat Cavanşir Feyziyev deyib.
Tehranın yenə də köhnə adətlərindən əl çəkmədiyinə diqqət çəkən deputat bildirib ki, rəsmi Bakı hadisənin araşdırılmasını, məsul şəxslərin cəzalandırılmasını və rəsmi üzr istənilməsini tələb etsə də, Tehranın reaksiyası gözlənildiyi kimi oldu: “İran rəhbərliyi üzr istəmək və məsələni obyektiv araşdırmaq əvəzinə məsuliyyətdən yayınmağa çalışdı.
İran prezidenti Məsud Pezeşkian Rusiya prezidenti Vladimir Putinlə telefon danışığı zamanı İranın guya heç vaxt Azərbaycana qarşı hərbi əməliyyatlar aparmadığını iddia etdi.
Onun sözlərinə görə, Tehranın mövqeyi dövlətlərin ərazi bütövlüyünə hörmət və regionda davamlı sülh arzusuna əsaslanır. “İran heç vaxt Azərbaycana qarşı hərbi əməliyyatlar aparmayıb”,- Pezeşkian vurğulayıb. Lakin bu bəyanatlar baş verən faktlarla tam ziddiyyət təşkil edir. Çünki reallıq ortadadır. Azərbaycan ərazisi dronlarla vurulub və bu hadisə heç bir şəkildə təsadüf kimi təqdim edilə bilməz.
Riyakarlığın başqa nümunəsi isə İranın xarici işlər naziri Abbas Əraqçinin açıqlamsıdır. O, NBC-yə müsahibəsində bildirib ki, İranın Türkiyə və Azərbaycan kimi qonşu ölkələrə hücum planı yoxdur. “Azərbaycana dronların buraxılması üçün heç bir səbəb yoxdur. Hadisəni araşdırırıq, bəlkə də başqa yerdən buraxılıb və ya texniki problem yaranıb”, - deyə o qeyd edib.
Bu isə Tehranın ənənəvi taktikasını xatırladır. Əvvəl hadisə baş verir, sonra isə məsuliyyəti inkar etmək və ya qeyri-müəyyən izahlar vermək cəhdi göstərilir.
Bu davranış Azərbaycana tanışdır. Çünki oxşar vəziyyət 2023-cü ildə də baş vermişdi. Həmin vaxt 2023-cü ildə Azərbaycanın Tehrandakı səfirliyindəki terror aktı zamanıda eyni ilə bu riyakar taktikadan istifadə edildi. İlk günlərdə İran bu hadisədə dövlətin məsuliyyəti olmadığını iddia edirdi. Lakin Azərbaycan Prezidenti İlham Əliyevin qətiyyətli mövqeyi nəticəsində Tehran geri addım atmağa məcbur qaldı və rəsmi üzr istədi”.
Deputatın fikrincə, bu fakt göstərdi ki, İran yalnız qəti və prinsipial mövqe qarşısında geri çəkilir:
“Odur ki, molla rejimi Prezident İlham Əliyevin Təhlükəsizlik Şurasının iclasında mesaj düzgün oxyub adekvat addım atmalıdır.
Birincisi, Azərbaycan ərazisinə qarşı törədilmiş bu hücum terror aktıdır və buna görə İran məsuliyyət daşıyır. Hadisəni törədənlər məsuliyyətə cəlb olunmaslı və Azərbaycandan rəsmən üzr istənilməlidir.
İkincisi, Azərbaycan bu cür təxribatlarla barışmayacaq. Silahlı Qüvvələrə cavab tədbirlərinin hazırlanması ilə bağlı tapşırıq verilib.
Üçüncüsü, Azərbaycanı təzyiq və qorxu yolu ilə geri çəkilməyə məcbur etmək mümkün deyil.
Dördüncüsü, bu cür qarayaxma və böhtan kampaniyaları artıq nəticə vermir və verməyəcək.
Beşincisi, Azərbaycan heç vaxt öz ərazisini başqa dövlətlərə qarşı istifadə etdirməyib və bundan sonra da etdirməyəcək. Azərbaycanın siyasəti qonşularla normal münasibətlər qurmaqdır. Lakin bu, ölkənin təhlükəsizliyinə qarşı yönəlmiş təxribatlara göz yumulacağı anlamına gəlmir.
Prezident İlham Əliyevin sözləri ilə desək:“Bizim gücümüzü sınamasınlar. Bizim gücümüzü sınamaq istəyənlərin başı “Dəmir yumruq” vasitəsilə yarıldı”.
Bu hadisə bir daha göstərdi ki, regionda sabitliyi pozan addımların nəticəsi ağır ola bilər. Azərbaycan artıq dəfələrlə sübut edib ki, öz təhlükəsizliyini qorumaq üçün bütün imkanlara malikdir.
Tehran Bakının mesajlarını, o cümlədən dünyanın bu hadisə ilə bağlı verdiyi reaksiyanaı düzgün oxumalıdır. Əks halda, bu riyakarlıq və nankorluq siyasətinin nəticələri molla rejimi üçün çox ağır ola bilər”.
Mürtəza
