"Komedixana"nın aktrisası: Şokda olan tək mən deyiləm, nə fikirləşirlər? - VİDEO

Ölkə.Az xəbər verir ki, aktrisa yaranmış vəziyyətə görə, tək narahat olan şəxsin o olmadığını söyləyib:

“Hər kəs paylaşdığım video ilə bağlı yazır. Sən demə, şokda olan tək mən deyiləm. Nə deyim? Valideyni görürsə, deyəcək, mənim uşağımdır, özüm bilərəm. Hələ mən valideyn deyiləm, o uşağa görə bu qədər fikir çəkirəm ki, onun gələcəyi necə olacaq? Digər məclislərdən olan videoları paylaşmadım. Kişi məclisində ortalığa salıblar və oynayır. Geyim də o deyil. Hər kəs pul səpir. Adam sırtıqlaşar. Nə bilim. Görəsən, doğrudan valideynləri nə fikirləşirlər? Keçən il tiktokda bir rəqs müəllimi vardı, əsasən də qız uşaqlarına vəhşicəsinə öyrətdiyi rəqs tipi vardı. O ərəfədə mən çox mübarizə apardım və məyus oldum. Çünki çoxunun valideyni geridönüş elədi ki, bizə xoşdur, sizə nə?! Onda gördüm ki, yox”.

Aktrisa deyib ki, əsas olan valideyn olmaq deyil,  özünü inkişaf etdirməkdir:

“Ümumiyyətlə, önəmli olan valideyn olmaq deyilmiş. Önəmli olan birinci özünü inkişaf etdirib həyatı anlamaq, kim olduğunu bilməkdir ki, sonra normal övlad yetişdirə biləsən. 

Valideynlərin mənə yazdıqlarını görsəydiniz... Mən bunların övladlarını müdafiə edirəm, üstümə hücum çəkiblər ki, sənə nə mənim övladımdan. Yanlış böyüdürsən. Nəysə, bəzi insanlar ailə qurmamalıdır”, - deyə o əlavə edib.

Billurə