Netanyahu hədəfdə olan İran rəsmilərinin siyahısını açıqlayıb - VİDEO
İsrailin Baş naziri Benyamin Netanyahu ABŞ-ın İsraildəki səfiri Mayk Hakabi ilə görüşündən video yayımlayıb. Videoda o, cibindən bir siyahı çıxararaq bildirib ki, burada İsrailin tədbir görməyi planlaşdırdığı iranlı rəsmilərin adları yer alır.
Ölkə.Az-ın məlumatına görə, görüntüləri yayan "Iran International" qeyd edir ki, Netanyahu bu siyahını faktiki olaraq “aradan götürülməsi nəzərdə tutulan” şəxslər kimi təqdim edib. Onun sözlərinə görə, siyahıdakı iki nəfər artıq vəzifədən kənarlaşdırılıb, digərləri isə hələ də postlarındadır.
“Sağam, amma bu kart məndədir. Bu, perforasiya olunmuş kartdır. Bu gün iki adı sildim, qalanlarını isə görürsünüz”, – deyə Netanyahu bildirib.
Videoda sosial şəbəkələrdə yayılan və onun guya öldürüldüyünü, yayılan görüntülərin isə süni intellektlə hazırlandığını iddia edən şayiələrə də toxunulub. Netanyahu bu iddiaları lağa qoyaraq zarafatla hər iki əlində beş barmağının olduğunu göstərib.
