Nar ixracından gəlirlər 684 min dollar azalıb
2026-cı ilin yanvar–fevral aylarında Azərbaycandan 2 milyon 686,96 min ABŞ dolları dəyərində 3 min 132,28 ton nar ixrac edilib.
Ölkə.az Valyuta.az-a istinadən xəbər verir ki, bu göstərici 2025-ci ilin eyni dövrü ilə müqayisədə dəyər ifadəsində 683,55 min ABŞ dolları və ya 20,28 %, miqdar ifadəsində isə 714,75 ton və ya 18,57% azalma deməkdir.
2025-ci ilin yanvar–fevral aylarında xarici bazarlara 3 milyon 370,51min ABŞ dolları dəyərində 3 min 847,06 ton nar ixrac olunmuşdu.
Qeyd edək ki, ixrac edilən narın bir tonunun orta qiymətində də ucuzlaşma müşahidə edilib. Belə ki, 2025-ci ilin yanvar-fevral aylarında xaricə satılan narın bir tonunun orta ixrac qiyməti 876,13 ABŞ dolları təşkil etdiyi halda, 2026-cı ilin eyni aylarında bu rəqəm 857,83 ABŞ dollarına düşüb. Bu isə o deməkdir ki, narın hər tonunun satış qiyməti 18,30 ABŞ dolları və ya 2,09% ucuzlaşıb.
