Azərbaycanda bu dərman məhsulları istehsal olunur
"Ölkə.Az"ın məlumatına görə, Pirallahı Sənaye Parkının rezidenti olan "Diamed"in baş direktoru Samirə Hüseynova jurnalistlərə açıqlamasında bildirib ki, burada istehsal olunan infuziya məhlulları qonşu və ərəb ölkələrinə ixrac ediləcək.
Hazırda zavodda 37 adda, müxtəlif həcmdə (100 ml – 500 ml) venadaxili dərman məhlullarının (NaCl 0,9%, Ringer, Qlükoza, Metronidazol, Parasetamol və s.) istehsalı həyata keçirilir. İllik 20 milyon litr istehsal gücü daxili bazarın tələbatını tam ödəməklə yanaşı, xarici bazarlara çıxış imkanı yaradır. Artıq bir neçə ölkədə məhsulların qeydiyyatı prosesinə başlanılıb. Müəssisə hər il portfelinə yeni adda dərmanlar əlavə etməyi və yaxın müddətdə kiçik həcmli (ampul) dərman məhlullarının istehsalına başlamağı planlaşdırır.
Qeyd edək ki, 100 nəfərdən artıq işçi heyətinə malik olan “Diamed” dərman istehsalı zavodu Azərbaycan Biznesinin İnkişafı Fondunun həmtəsisçiliyi ilə yaradılıb
Məhsulun keyfiyyət amillərinə toxunan baş direktor zavodun Almaniya və Avstriyadan idxal olunan yüksək keyfiyyətli Avropa xammalından istifadə etdiyini vurğulayıb.
O deyib ki, zavodun avadanlıqları İtaliyadan idxal olunub: "Bu istehsal xətti dünyada cəmi üç şirkət tərəfindən istehsal olunur ki, onlardan biri də bizim təchizatçımızdır. Avadanlıqlarımız tam avtomatlaşdırılmış, qapalı və steril şəraitdə çalışır. Burada insan müdaxiləsi və risk faktoru sıfıra bərabərdir".
Qeyd edək ki, 100 nəfərdən artıq işçi heyətinə malik olan “Diamed” dərman istehsalı zavodu Azərbaycan Biznesinin İnkişafı Fondunun həmtəsisçiliyi ilə yaradılıb.
