İnfarkta görə çağırılan təcili yardımın açarı itdi, xəstə öldü - FOTO

İnfarkt xəstəsi üçün çağırılan təcili yardımın açarı itdiyi üçün xəstə ölüb.

Ölkə.Az xəbər verir ki, qeyri-adi hal Türkiyənin Adana şəhərində yaşanıb.

Belə ki, Adananın Yüreğir rayonunda yaşayan Mehmet Kepir evdə olarkən pisləşdiyi üçün qohumları təcili yardıma zəng ediblər.

Hadisə yerinə gələn tibb qrupları xəstə M.Kepiri ürə masajı etdikdən sonra onu təcili yardım maşınına aparıblar.

Təcili yardım maşınının açarı xəstənin büküldüyü yorğanın içinə düşərək itib.

Həm səhiyyə işçiləri, həm xəstənin qohumları, həm də ətrafdakı vətəndaşlar yorğanı, ətrafdakı nəqliyyat vasitələrinin altına baxsalar da, açar tapılmayıb.

Hətta vətəndaşlar təcili yardımı bir az irəli itələyərək açarı axtarsalar da, faydası olmayıb.

Açarlar tapılmadıqda, hadisə yerinə ikinci təcili yardım maşını çağırılıb. Bütün müdaxilələrə baxmayaraq xəstəxanaya aparılan M.Kepir vəfat edib.

Ərinin səhlənkarlıqdan öldüyünü iddia edən mərhumun həyat yoldaşı Şengül Ayağ məsul şəxsləri şikayət edib.

“Həyat yoldaşım  oğlumu məktəbə aparmaq üçün oyanmışdı. Tualetə getmişdi. Birdən səs gəldi, hamımız qaçdıq. Anamın müdaxiləsi ilə həyata qaytardıq. Təcili yardım gəldi, yorğana bükdük. O anlarda təcili yardım işçilərindən biri aşağıda digər maşınlardan birinə yol vermək üçün nəqliyyat vasitəsinin yerini dəyişdi. Daha sonra həyat yoldaşımı 3-cü mərtəbədən aşağı endirdilər. Təxminən 40 dəqiqə təcili yardımın içərisində qaldı.Qonşular da daxil olmaqla hər kəs açarı axtardı. İkinci təcili yardım gəldi. İlk gələn təcili tibbi yardımın laqeydliyi ucbatından  həyat yoldaşımı itirdim”, - deyə qadın söyləyib.

Faktla bağlı araşdırma aparılır.

Billurə