İsrail-Livan danışıqlarının növbəti raundu başlayıb

ABŞ-də İsraillə Livan arasında birbaşa danışıqların üçüncü raundu başlayıb.

Ölkə.az xəbər verir ki, bu barədə ABŞ Dövlət Departamenti məlumat verib. 
Görüşdə ABŞ-nin Beyrutdakı səfiri Mişel İssa, ABŞ-nin İsraildəki səfiri Mayk Hakabi və Dövlət Departamentinin rəsmisi Mayk Nidhem, Livanın Vaşinqtondakı səfiri Nada Həmədə və keçmiş səfir və prezidentin xüsusi nümayəndəsi Simon Karam, İsraili təmsil edən İsrailin Vaşinqtondakı səfiri Yeçiel Leyter və İsrailin milli təhlükəsizlik müşavirinin müavini Yossi Draznin, eləcə də digər rəsmilərin iştirak edir.

İsrail və Livanın Vaşinqtondakı səfirləri ABŞ-ın vasitəçiliyi ilə danışıqlara hazırlıq məqsədilə 14 və 23 aprel tarixlərində görüşüblər.

Qeyd edək ki, İsrailin Livanın cənubunda Hizbullaha qarşı növbəti hərbi əməliyyatlara başlamasından sonra  bölgədə  yenidən böhran yaşanmaqdadır. 

Mürtəza