WUF13 digər şəhər forumlarından daha yaxşı təşkil olunub - Alessandro Attolico
“Biz sadəcə layihələri icra edən tərəf deyilik, eyni zamanda gələcəyin inkişaf istiqamətlərini müəyyənləşdiririk. Belə forumlar isə fərqli yanaşmaları və innovativ həlləri öyrənmək üçün çox yaxşı fürsətdir”.
Bunu Ölkə.Az-a WUF13 çərçivəsində Bakıda qonaq olan İtaliyanın Potenza vilayətində Planlaşdırma və İnnovasiya üzrə icraçı direktor vəzifəsində çalışan Alessandro Attolico deyib.
O WUF13-ün logistika və təşkilati məsələlər baxımından digər şəhər forumlarından daha yaxşı təşkil olunduğunu söyləyib:
“Gündəlik proqram da çox zəngin və əhatəlidir. Bakı ilə bağlı təəssüratlarım çox müsbətdir. Görürəm ki, təşkilatçılıq çox yüksək səviyyədə qurulub. Bu qədər böyük miqyaslı tədbiri təşkil etmək asan deyil, amma hazırda hər şey çox yaxşı işləyir”.
Billurə Yunus
