Qanlı toqquşma, 50 ölü - Kolumbiyada
Kolumbiyanın mərkəzində iki silahlı qrup arasında baş verən toqquşmalarda təxminən 50 nəfər ölüb.
Ölkə.az xəbər verir ki, bu barədə RCN radiostansiyası Quaviare Departamentinin qubernatoru Yeison Rojasa istinadən məlumat yayıb.
"İndiyə qədər əldə etdiyimiz məlumatlar yerli sakinlərdən və ərazi rəhbərlərindən alınıb. Bizdən cəsədlərin ərazidən çıxarılmasına kömək etməyimiz istənildi. Deyilənə görə, ərazidə fəaliyyət göstərən Kalarka və İvan Mordisko qrupları arasında baş verən toqquşmalar nəticəsində 48 nəfər ölüb", - qubernator qeyd edib.
Radiostansiyanın məlumatına görə, toqquşmalar 26 maydan bəri davam edir. Kolumbiya ordusu bildirib ki, mülki şəxsləri qorumaq, təhlükəsizliyi artırmaq, əraziyə nəzarəti qorumaq və insan hüquqlarına və beynəlxalq humanitar hüquqa hörməti təmin etmək üçün zonaya qoşunlar yerləşdirilib.
Mürtəza
