Kişilər diqqət: bu məhsul sağlamlığınızı qoruya bilər
İspaniyanın Tibbi Onkologiya Cəmiyyətinin (SEOM) həkimləri kişiləri prostat xərçəngindən qoruyan bir məhsulu mütləq qida rasionlarına əlavə etməyə çağırıblar.
Ölkə.az xəbər verir ki, bu barədə El Economista nəşri yazıb.
Onların sözlərinə görə, prostat xərçəngi genetik mutasiyalar nəticəsində yaranır və bu mutasiyalar sağlam toxumalardakı hüceyrələrin nəzarətsiz şəkildə bölünüb artmasına səbəb olur. Mütəxəssislər bildiriblər ki, pomidorun tərkibində çoxlu miqdarda likopin adlı antioksidant var və bu maddə DNT-nin zədələnməsinin qarşısını almağa kömək edir.
Mövzu ilə bağlı digər materiallarda qeyd olunub ki, pomidor həmçinin ürək-damar xəstəliklərinin riskini azaldır, immuniteti gücləndirir, həzmi və dərinin vəziyyətini yaxşılaşdırır. Bundan əlavə, pomidor kalium, A və C vitaminləri ilə zəngindir.
Həmidə İbrahimova
