Böyrəklərə zərər verən tərəvəz: Avropada yeyilmir

Bir çox insanın sevdiyi ravənd bəzi xarici mütəxəssislərin diqqət mərkəzinə düşüb.

Ölkə.az xəbər verir ki, narahatlığa səbəb isə bu tərəvəzin tərkibində olan və ona özünəməxsus turşməzə dad verən oksalat (şavel) turşusudur.

Ravənddən müxtəlif piroqlar, kompotlar və mürəbbələr hazırlanır. Turşməzə dadı şəkər və ya balla tarazlaşdırılır, parlaq qırmızı rəngi isə desertlərə cəlbedici görünüş verir.

Mütəxəssislərin fikrincə, oksalat turşusunun həddindən artıq qəbulu bəzi insanlar üçün təhlükə yarada bilər. Xüsusilə böyrək və ya sidik yolları xəstəliklərindən əziyyət çəkən şəxslərə ravənddən istifadə etməzdən əvvəl həkimlə məsləhətləşmək tövsiyə olunur. Qeyd edilir ki, insanların oksalat turşusuna həssaslığı fərqli ola bilər.

Bununla yanaşı, ravənd faydalı qida maddələri ilə də zəngindir. Onun ürək-damar sisteminə müsbət təsir göstərdiyi, immuniteti gücləndirdiyi və orqanizmin ümumi sağlamlığına dəstək verdiyi bildirilir. Məhsulun tərkibində C vitamini, kalium, maqnezium və digər vacib vitamin-minerallar mövcuddur.

Həmidə İbrahimova