Ağ Evdən Omana xəbərdarlıq: İrandan uzaq dur

ABŞ administrasiyası Omandan öz mövqeyini müəyyənləşdirməsini və İranla münasibətlərini yenidən nəzərdən keçirməsini tələb edib.

Ölkə.az “The Wall Street Journal” istinadən xəbər verir ki, Vaşinqton Maskatın Tehranla yaxın əlaqələrini dostcasına olmayan bir addım kimi qəbul etməyə başlayıb.  Nəşrin mənbələrinə görə, Ağ Ev hətta Amerika kəşfiyyatının Maskatın İranla Hörmüz boğazından keçən gəmilər üçün rüsum almaq ehtimalını müzakirə etdiyi qənaətinə gəlməsindən sonra Omanı sanksiyalarla hədələyib. Oman hakimiyyəti bu ittihamları rədd edir.

Mənbələr qeyd edir ki, Oman tərəfi ABŞ-ın tonunun qəfil dəyişməsindən təəccüblənib və hazırda Vaşinqtonun hərəkətlərinə cavab vermək üçün variantları nəzərdən keçirir.
Nəşr qeyd edib ki, eyni zamanda, sərt bəyanatlara baxmayaraq, Donald Tramp administrasiyası Omana qarşı hərbi ssenarini nəzərdən keçirmir.

Mürtəza