Rusiyanın Ukraynaya genişmiqyaslı hava zərbəsi: Kiyev Qərbə yalvardı
Ölkə.az xəbər verir ki, bu barədə Rusiya Müdafiə Nazirliyi məlumat yayıb.
Zərbə endirilən hədəflər Kiyev, Zaporojye, Xarkov və Dnepropetrovskdakı müdafiə sənayesi müəssisələrini, eləcə də Poltava, Xmelnitski və Sumı bölgələri olub. Bundan əlavə, Ukrayna Silahlı Qüvvələrinin istifadə etdiyi hərbi aerodromlar, eləcə də yanacaq və nəqliyyat infrastrukturu obyektləri də vurulub.
Nazirlik hücumda hipersəs aeroballistik raketlər və hücum dronları da daxil olmaqla, uzun mənzilli, yüksək dəqiqlikli hava, quru və dəniz əsaslı silahların istifadə edildiyini bildirib. Müdafiə Nazirliyinin məlumatına görə, zərbələr hədəflərinə çatıb və təyin olunmuş bütün hədəflər məhv edilib.
Hərbi Hava Qüvvələrinin məlumatına görə, ruslar bu gecə və səhər tezdən müxtəlif tipli 73 raket və 656 PUA atıb. Hava hücumundan müdafiə sistemləri 642 hədəfi vurub və ya yatırıb - 40 raket və 602 müxtəlif tipli PUA.
Kiyevdə bir çox ərazidə dağıntılar baş verib, çoxmərtəbəli binalar və xəstəxanalar zədələnib. Dörd nəfər həlak olub, yaralıların sayı 60-ı keçib.
Dneprə edilən hücum nəticəsində 9 nəfər ölüb, 35 nəfər yaralanıb, 6 nəfər itkin düşüb.
Rusların günişmiqyaslı hücumu ilə bağlı açqılama verən Ukrayna Prezidenti Vladimir Zelenski deyib ki, Rusiyanın hərəkətləri ölkəmizin ballistik raketlərə qarşı müdafiəsinin olmaması səbəbindən Ukraynada həyatı məhv etməyə davam etmək niyyətini nümayiş etdirir.
"Əgər Ukrayna ballistik raketlərdən və digər zərbələrdən qorunmasa, bu zərbələr davam edəcək", -Zelenski qeyd edib.
Zelenski əlavə edib ki, bizim Patriotlar üçün raketlərin tədarükündə ABŞ-ın köməyinə mütləq ehtiyac duyuruq: 2Biz tərəfdaşlarımızın dəstəyinə və bugünkü hücuma effektiv cavab verməyə ümid edirik”.
Mürtəza
