Rus futbolçunun köynəyi Türkiyəni qarışdırdı
"Lokomotiv Moskva" və İstanbulun "Fənərbaxça" klubları arasındakı oyunun sonunda stadionda gərginlik yaranıb.
Ölkə.az xəbər verir ki, rusların 2:0 məğlub olduqları oyunun sonunda "Lokomotiv"in oyunçularından Tarasov köynəyini soyunub və altındakı digər köynəyin önündə Putinin hərbi geyimdə şəkli olduğu görünüb.
Geniş planda Tarasovun köynəyini göstərən kameralar türk tərəfdarların sırasında hərəkətlilik yaradıb. Bunu Türkiyəyə təhqir kimi qəbul edən türk tərəfdarlar ruslara hücum etmək istəyiblər.
Yerli KİV-lərin verdiyi məlumatda isə, türk tərəfdarların rus futbolçuların avtobusunu daşa basdıqları bildirilir. Polisin müdaxiləsindən sonra vəziyyət nəzarət altına alınıb.
