Obama Ərdoğanla görüşəcək
ABŞ prezidenti Barak Obama ilə Türkiyə prezidenti Rəcəb Tayyib Ərdoğanın görüşü olacaq.
Bu barədə Ağ Evdən bildirilib.
Qeyd edək ki, R. T. Ərdoğan daha öncə 31 mart-1 aprel tarixlərində Vaşinqtonda keçiriləcək nüvə təhlükəsizliyi samitində B. Obama ilə görüşəcəyini söyləyib.
Xatırladaq ki, “The Wall Street Journal” Barak Obamanın Türkiyə prezidenti ilə təkbətək görüşdən imtina etdiyi ilə bağlı məlumat yaymışdı. Xəbərdə bildirilirdi ki, Obama Merilend ştatında məscidin açılışında iştirak etməsi ilə bağlı Ərdoğandan gələn dəvəti qəbul etməyib.
Ağ Evdən bildirilib ki, ABŞ prezidentinin bu qərarını etinasızlıq kimi qəbul etmək lazım deyil. Çünki prezidentlər daha əvvəl noyabrda Türkiyədə G20 sammitində bir araya gəlmişdilər, fevralda isə telefonla danışmışdılar. (qafqazinfo)
