Silah zavodunun direktoru dövlət sirrini satarkən yaxalandı
Türkiyənin ən nəhəng silah zavodlarından biri sayılan Makine Kimya Sənayesi Kırıkkale silah fabrikinin müdürü dövlət sirrini satarkən yaxalanıb.
Ölkə.az xəbər verir ki, silah zavodunun direktoru Mustafa Tanrıverdi adı çəkilməyən bir ABŞ silah firmasının nümayəndəsinə türk mühəndislər tərəfindən düzəldilmiş MPT 76 avtomat silahının eskizlərini satarkən yaxalanıb.
Məlumata görə, bu silahın eskizlərini 200 min lirə və 300 min dollar qarşılığında satmaq qərarına gəlibmiş.
Onu izləyən kəşfiyyatçılar bir restoranda ABŞ silah firmasının nümayəndəsi ilə görüş zamanı suçüstü yaxalayıblar.
Hazırda Mustafa Tanrıverdinin dindirilməsi davam edir.
