Zakir Həsənov: “Ordumuz şəhidlərin qisasını alacaq“
"Biz həqiqəti deməliyik. Yüz illər boyu ermənilər azərbaycanlılara qarşı cinayətlər törədiblər. Biz bunun qarşısını almalıyıq".
Ölkə.Az APA-ya istinadən xəbər verir ki, bunu müdafiə naziri general-polkovnik Zakir Həsənov qoşunların təmas xəttində Ermənistanın hücumunu dəf edərkən şəhid olan pilotlar - mayor Təbriz Musazadə, mayor Ürfan Məmmədzadə, baş leytenant Bəkir İsmayılov və Silahlı Qüvvələrin polkovnik-leytenantı Murad Mirzəyevlə vida mərasimində çıxışında deyib.
"Azərbaycanın ərazi bütövlüyü bərpa olunmalıdır. Azərbaycan ordusunda döyüş ruhu var. İnanıram ki, ordumuz şəhidlərin qisasını alacaq, ərazi bütövlüyümüzü bərpa edəcəklər", - nazir vurğulayıb.
