Tanınmış hakimimiz İspaniya-Tunis oyununu idarə edəcək

Azərbaycanın tanınmış futbol hakimi, FİFA referisi Əfqan Həmzəyev aprelin 15-19-u aralığında Fransanın Nitsa şəhərində çimərlik futbolu üzrə Avropa turuna dəvət alıb.

Ölkə.az-ın məlumatına görə, yarışda həm hakim, həm də hakimlər qrupunun rəhbəri kimi iştirak edəcək Həmzəyev oradan Mərakeşə yollanacaq. Burada isə dörd ölkənin-Mərakeş, Misir, Tunis və İspaniyanın Dostluq Kubokunun oyunlarını idarə edəcək. Dostluq Kuboku isə aprelin 27-dən mayın 1-nə kimi keçiriləcək. Fit sahibimiz turnirdə Mərakeş-Misir və Tunis-İspaniya qaşrılaşmalarında ədaləti təmsil edəcək.

Xatırladaq ki, bu, FİFA referimizin cari ildə dördüncü xarici səfəridir. Bundan öncə, o, Yaponiya və Tailandda təşkil olunan seminarlarda ölkəmizi təmsil edib..

İntiqam VALEHOĞLU
Ölkə.az