Sərdar Cəlaloğlununun şəhid atası olan qardaşı öldü
Azərbaycan Demokrat Partiyasının sədri Sərdar Cəlaloğlunun qardaşı, aprelin 4-də Füzulidə gedən hərbi əməliyyatlarda şəhid olan Rasim Məmmədovun atası Əbdül Məmmədov vəfat edib.
Ölkə.Az xəbər verir ki, bu barədə Lent.az-a Sərdar Cəlaloğlunun özü məlumat verib. Onun sözlərinə görə, qardaşı 25 ildir ki, daxili orqanların xəstəliyindən əziyyət çəkirdi: "Oğlu Rasim Məmmədov şəhid olandan sonra onun vəziyyəti daha da pisləşdi".
Qeyd edək ki, Ə. Məmmədov da Qarabağ müharibəsinin qazilərindəndir. O, I qrup əlil idi.
