“Günəşli” yatağında daha bir quyu istismara verilib
Quyu məhsuldar qat çöküntülərinin Balaxanı Lay Dəstəsindən fontan üsulu ilə məhsul verib, 2906-2897 metr intervaldan sutkalıq 75 ton neft və 80 000 kubmetr qaz hasilatı ilə istismar fonduna qəbul edilib.
Bu barədə Dövlət Neft Şirkətindən (SOCAR) Ölkə.Az-a bildirilib.
Quyuda istismar işləri “Azneft” İstehsalat Birliyinin “28 May” Neft və Qazçıxarma İdarəsi tərəfindən həyata keçirilir.
Ölkəmizin neft-qaz sənayesində əhəmiyyətli rola malik “Günəşli” yatağındakı 8 nömrəli dərin dəniz özülündə 303 nömrəli quyu əsaslı təmirdən sonra istismara verilib.
