NATO: Əgər Rusiya təhlükə hiss edirsə, onda qonşularına hücumları dayandırmalıdır
Pentaqonun keçmiş yüksək vəzifəli nümayəndəsi Evelin Farkas Rusiya ilə NATO arasındakı gərginliyə aydınlıq gətirib.
Ölkə.Az xəbər verir ki, "Amerikanın səsi"nə verdiyi müsahibəsində Farkas NATO-nun Avropada quraşdırdığı raket əleyhinə müdafiə sistemlərinin Rusiyanı təhdid etmədiyini bildirib.
Pentaqonun keçmiş rəsmisinin sözlərinə görə, əgər Rusiya ətrafında çəmbərin daraldığını hiss edirsə, onda öz qonşularına hücumlarını dayandırmalıdır.
"Əgər Rusiya öz aqressiv əməllərini davam etdirəcəksə, onda heç bir uzlaşma mümkün deyil. Əgər Rusiya öz qonşularına hücumları dayandırarsa, onda ABŞ onunla istənilən məsələni müzakirə etməyə hazırdır", deyə keçmiş Pentaqon rəsmisi, hazırda isə NATO-nun "Atlantik Şurası"nın üzvü Evelin Farkas vurğulayıb.
