Toyota 1,5 milyondan çox avtomobilini satışdan geri çağırıb

"Takata"təhlükəsizlik yastıqları ilə bağlı yayılan qalmaqal böyüməkdədir.

Belə ki, Toyota firması Amerika bazarından 1,58 milyon avtomobilini geri çağırıb. Beləliklə, Toyotanın "Takata" markalı təhlükəsizlik yastıqlarına görə geri çağırdığı avtomobillərin sayı təkcə Amerikada 4,7 milyona çatıb.

Ölkə.Az xəbər verir ki, şirkət Toyota, Lexus və Scion brendlərinin 9 modelini, 2006-2011-ci illərdə buraxılmış Toyota Yaris və Lexus IS, 2010 və 2011-ci illərdə buraxılmış Toyota 4Runner və Lexus GX, 2011-ci ildə buraxılmış Toyota Sienna, 2008-2011-ci illərdə buraxılmış Scion xB və 2007-2011-ci illərdə buraxılmış Lexus ES modellərini geri çağırır.

"Takata" yalnız "Toyota" şirkətini deyil, dünya üzrə böyük avtomobil istehsalçılarını da öz məhsulu ilə təmin edir. 2011-cü ildə təhükəsizlik yastıqları ilə bağlı qalmaqallar başlayandan bu günə qədər Chrysler, Ford, Jeep, Dodge, BMW, Suzuki, Nissan, Mazda, Acura və Honda şirkətləri öz avtomobillərini geri çağırmağa məcbur olublar. Bütün dünyada "Takata" markalı təhlükəsizlik yastıqları ilə təmin edilmiş avtomobillərin ümumi sayı 100 milyonu üstələyib və bu yəqin ki, son hədd deyil.

İlhamə
Ölkə.Az