Min bir dərdə dəva

Gilas mövsümü gəlib.

Hər kəsin sevdiyi bu nemətin nə qədər faydalı olduğunu bilirsinizmi?

Gilas ən dadlı və faydalı giləmeyvələrdən biridir. Gilas vitaminlər (A, B1, B2, PP), pektinlər, orqanik turşular, flavonoidlər, minerallar (ftor, kalisum, maqnezium, dəmir, yod, mis, fosfor) və s. faydalı maddələrlə zəngindir.

Gilas immun sistemini möhkəmləndirir, qanın tərkibini yaxşılaşdırır, qan azlığının müalicəsində istifadə olunur. Həmçinin, arterial təzyiqi normallaşdırır, ürəyin fəaliyyətini yaxşılaşdırır, damarların sağlamlığına müsbət təsir edir - damarların divarlarını möhkəmləndirir, trombların əmələ gəlməsinin qarşısını alır. Oynaq xəstəliklərinə (artrit, podaqra, revmatizm) faydalıdır - ağrıları və iltihabı azaldır. Gilas qanda xolesterinin səviyyəsini aşağı salır, sidikqovucu təsirə malikdir, böyrəkləri təmizləyir, bağırsaqların fəaliyyətini yaxşılaşdırır, qəbizliklə mübarizə etməyə kömək edir..

Gənc qalmaq istəyənlər diqqət!

Bu meyvə güclü antioksidant maddələrlə (polifenollar) zəngindir, antioksidant maddələr orqanizmi qocalmaqdan və dağılmaqdan qoruyur, xərçəngin qarşısını alır, ziyanlı maddələrdən təmizləyir.

Arıqlamaq istəyənlər yaxşı bilir, gilas aclığı azaldır və arıqlamağa kömək edir. Kosmetologiyada müxtəlif maskaların tərkibində istifadə olunur. Dərini cavanlaşdırır, ağardır, daha dartılmış və elastik edir.

Araşdırmalar nəticəsində tünd qırmızı gilasın ağ gilasdan daha faydalı olduğu məlum olub.

İlhamə
Ölkə.Az