Çexiya prezidenti erməni soyqırımını tanımağı təklif edir

Çexiya prezidenti Miloş Zeman hesab edir ki, ölkəsinin parlamenti erməni soyqırımını tanımalıdır.

Ölkə.Az xəbər verir ki, M.Zeman bu barədə İrəvana səfəri zamanı bəyanat verib. Zemanın Ermənistana səfəri 1915-ci il qətliamında həlak olanların abidəsini ziyarət etməsiylə başlayıb.

Daha sonra o prezident Serj Sarkisyanla görüşüb. Zeman artıq erməni soyqırımını tanıdığını dilə gətirib. O, Türkiyənin Praqadakı səfirini geri çağıracağına dair veriləcək bəyanatlara hazır olduğunu da qeyd edib.

Eyni zamanda Çexiya prezidenti Dağlıq Qarabağ münaqişəsi ilə bağlı fikir bildirərək Ermənistan və Azərbaycana Praqada sülh danışıqları aparmağı təklif edib.

İlhamə
Ölkə.Az