Arda: \"Xalqımız bizimlə fəxr edəcək\"

Türkiyə millisinin kapitanı Arda Turan Avropa çempionatında komandasının şanslarını dəyərləndirib.

Ölkə.Az Goal.az-a istinadən xəbər verir ki, təcrübəli yarımmüdafiəçi sona qədər mübarizə aparacaqlarına zəmanət verib.

"AVRO-2008-dəki kimi son ana qədər mübarizə aparmaq ruhunu bu çempionatda da ortaya qoymaq istəyirik. Finala çıxacağımıza söz verə bilmərəm. Çünki İpsaniya millisindəki istedadlara sahib deyilik. Amma Türkiyə üçün hər şeyimizi meydanda qoyacağımıza əminəm. Xalqımız bizimlə fəxr edəcək. Milli komandanın oyun üslubu Simeonenin fəlsəfəsindən çox, Luis Enrikenin tərzinə yaxındır".

"Fatih Terim həmişə məndən lider olmağı istəyib. Burada özümü sevilən futbolçu hiss edirəm. Ölkənin ən yaxşısı olmaq təzyiqi üzərimdə yoxdur. Buna alışmışam. Komanda yoldaşlarımdan Oğuzhan (Özyakup) möhtəşəm futbolçudur. Çox ağıllı və istedadlıdır. Milli karyeramı başa vuranda komandada o, lider olacaq. Bir də Hakan Çalhanoğlu. Hakan xüsusi və fitri istedada malik oyunçudur. Standart vəziyyətlərdə çox təhlükəlidir. Bir insan özünü türk hiss edirsə, harada doğulmağının mənim üçün fərqi yoxdur. Nuri Şahin, Hakan Çalhanoğlu, Ömer Toprak türk mədəniyyətinə bağlıdırlar. Uyğunlaşmağa ehtiyac yoxdur. Enerjim olsa, 2018 mundialına vəsiqə qazanmaq hədəfinin də arxasında duracam. İndisə Fransada futboldan həzz almağa çalışıram".

Arda qrupun favoriti ispanlarla bağlı fikirlərini də bölüşüb. "İspaniya millisində həm "Atletico", həm də "Barcelona"dan tanıdığım futbolçular var və necə oynadıqlarını bilirəm. Onlar da məni yaxşı tanıyırlar. Buna baxmayaraq türk futbolunu dərin bilmirlər. Onları təəccübləndirməyə çalışacağıq".