2000 illik kompüterin sirri açıldı

1901-ci ildə tapılmış 2100 illik tarixə malik kompüterin-Antikiter mexanizminin sirri axır ki, beynəlxalq tədqiqatçılar tərəfindən açılıb.

Ölkə.Az CNN-ə istinadən xəbər verir ki, "Antikythera Mechanism Research Project" adlı layihədə bir araya gələn britaniyalı və yunanıstanlı alimlər 12 ildir apardıqları təqdiqatların nəticələri barədə Afinada keçirilən xüsusi tədbirdə məlumat veriblər. Alimlər mexanizmin daxilində saxlanmış 82 fraqmenti oxumaq üçün rentgen tomoqrafiyası və digər virtuallaşdırma texnologiyalarından istifadə ediblər. Mexanizmdəki simvolların bəzilərinin ölçüsü 1,2 millimetrdən az idi. Lakin görülən işə dəyərdi. Bu arxeoloji tapıntı qədim dünya haqqındakı məlum fikirlərin kökündən yalnış olduğunu söyləməyə əsas verir. Ümumilikdə 3,5 min işarədən ibarət 500 sözü oxumaq mümkün olub.

Tədqiqatçı alim Maykl Edmundsun sözlərinə göerə, cihazın astronomik təyinatlı olması barədə ilkin ehtimallar təsdiqlənib. Bu mexanizm vasitəsi ilə Günəş, Ay və digər planetlər, onların hərəkətləri, ulduz bürcləri, Ay fazalarının hesablanması, Günəş və Ay tutulmaları barədə ətraflı məlumat almaq olar.

Heyrətləndirən məqam budur ki, bu mexanizm səma cisimlərinin gələcək fəaliyyətinə dair məlumatları da özündə əks etdirib.

Qədim insan gələcəyi görürmüş!

Cihaz astroloji bilgilər verdiyinə görə tale kitabı kimi dəyərləndirilə bilər.

Lakin əsas funksiyası astronomik bilgilər verməkdən ibarətdir. Antikir mexanizmi bizim eradan əvvəl 200-70-ci illər arasında hazırlanıb.

İlhamə
Ölkə.Az