Rusiya strateji bombardmançıları İŞİD hədəflərini vurdu

Rusiyanın Tu-22M3 bombardmançı təyyarələri Palmirada İŞİD qüvvələrinə zərbələr endirib

Ölkə.Az Rusiya mediasına istinadən xəbər verir ki, Rusiyanın 6 ədəd Tu-22M bombardmançı təyyarəsi Rusiyadakı bazalardan havaya qalxaraq Suriyanın Palmira rayonunda İŞİD mövqelərinə zərbələr endirib.

Bu barədə Rusiyanın Müdafiə Nazirliyi məlumat yayıb.

"Təyyarələr hədəflərə ağır bombalar ilə zərbələr endiriblər. Nəticədə Palmira və Ərakda terrorçuların idarəetmə mərkəzləri, yeraltı ambarları, 3 piyada döyüş maşını, ağır silahlarla təchiz edilmiş 2 avtomobili və çoxlu sayda canlı qüvvəsi məhv edilib. Təyyarələr əməliyyat tapşırığını uğurla yerinə yetirdikdən sonra öz bazalarına dönüblər",- deyə məlumatda bildirilir.

İlhamə
Ölkə.Az