Türkiyədə terror aktı: 3 ölü, 25 yaralı

Ölkə.Az Türkiyə mediasına istinadən xəbər verir ki, bu gün günorta saatlarında PKK terrorçuları Diyarbəkir-Mardin yolu üzərində, Diyarbəkrin Çinar rayonunun girişində içərisində bomba olan avtomobillə partlayış törədiblər.

Hadisə nəticəsində 3 nəfər ölüb, 25 nəfər isə yaralanıb.

Hadisə şahidlərinin bildirdiyinə görə, partlayışdan sonra magistral yolda 5 metr dərinliyində, 10 metr enində çuxur yaranıb. Hücumdan sonra polis və terrorçular arasında qısa müddətli atışma baş verib. Cinayətkarlar gizlənə biliblər.

Terrorçuların ələ keçirilməsi üçün bölgədə genişmiqyaslı əməliyyat başladılıb.

İlhamə
Ölkə.Az