\"Mənim qərarlarım Ərdoğanın qərarlarından daha sərt olacaq\"

Ölkə.Az Rusiya KİV-lərinə istinadən xəbər verir ki, Venesuela prezidentti Nikolas Maduro bildirib ki, əgər əhali ölkədə dövlət çevrilişi etməyə cəhd etsə o, qətiyyətli addımlar atmağa hazırdır.

"Əgər müxalifət dövlət çevrilişi etməyə cəhd göstərsə Venesuela müxalifətini daha ağır aqibət gözləyəcək, Türkiyədə baş verənlər bizim yanımızda bir heç kimi görünəcək", deyə dövlət başçısı vurğulayıb.

O, həmçinin Venesuela xalqının ölkədə sülh və sabitliyi qorumaq naminə belə bir vəziyyət qarşısına sarsılmayacağını və bir olacağına əminliyini ifadə edib.

Bundan başqa Maduro bildirib ki, öz fəaliyyətində ABŞ və digər Amerika dövlətləri təşkilatlarının tövsiyyələri ilə hərəkət etmək niyyətində deyil.

Qeyd edək ki, bir neçə gün əvvəl Braziliya XİN başçısı Xose Serra venesuelalıları referendum keçirərək dövlət başçısını istefaya göndərməyə çağırmışdı.

İlhamə
Ölkə.Az