Ben Laden haqqında kitabın müəllifi 6 milyon cərimələndi

Ben Laden haqqında kitabın müəllifi məxfi məlumatları yaydığına görə 6 milyon ödəyəcək

Ölkə.Az Rusiya KİV-lərinə istinadən xəbər verir ki, "Əl Qaidə" terror təşkilatının lideri Üsamə Ben Ladenin öldürülməsi haqqında kitabın müəllifi ABŞ hökumətinə 6,6 milyon dollar ödəyəcək.

O, kitaba məxfi məlumatlar daxil etməkdə ittiham olunur.

Qeyd edək ki, kitabı ABŞ Hərbi Dəniz Qüvvələrinin keçmiş xüsusi təyinatlısı Mett Bissonet Mark Ouen təxəllüsü ilə yazıb. "Çətin gün" adlanan və 2012-ci ildə dərc edilən kitab müəllifə 30 milyon dollara yaxın gəlir gətirib.

ABŞ Ədliyyə departamenti Bissoneti ittiham edir ki, o kitab dərc edilməzdən öncə Müdafiə Nazirliyi və digər əlaqədar qurumlara bu barədə xəbər verməyib və senzuradan keçirmədən əsəri dərc etdirib.

Usama Ben Laden 2011-ci il mayın 2-də ABŞ xüsusi təyinatlılarının keçirdiyi gizli əməliyyat zamanı Abbotabad şəhərində öldürülüb.

İlhamə
Ölkə.Az