Rio-2016: Şərif Şərifov 1/4-də
Braziliyanın Rio-de-Janeyro şəhərində keçirilən Yay Olimpiya Oyunları davam edir.
Trend-in məlumatına görə, yarışların 15-ci günündə Azərbaycan güləşçisi Şərif Şərifov 86 kq çəki dərəcəsində mübarizəyə qoşulub.
1/8 final mərhələsində çinli idmançı Bi Şenqfenqlə qarşılaşan sərbəst güləşçimiz ilk hissədə rəqibindən üstün olub - 4:0.
İkinci hissədə çinli güləşçidən daha 6 xal alan təmsilçimiz növbəti mərhələyə yüksəlib - 10:0.
1/4 final mərhələsində Ş.Şərifov polşalı Zbiqnev Mateuş Baranovski ilə güləşəcək.
