Namaz vaxtı məsciddə faciə baş verdi

Ölkə.Az "İhlas Haber"ə istinadən xəbər verir ki, Kayseridə yerləşən Əhməd və Ayşə İnci məscidində namaz vaxtı qorxulu qəza baş verib.

Məscidin tavanından asılmış çox böyük çilçıraq ibadət edənlərin üstünə düşüb. Hadisə nəticəsində 10 nəfərin yaralandığı bildirilir. Məlum olub ki, çilçıraq bu sabah asılıb və zənciri ağırlığa davam gətirmədiyi üçün yerindən qopub.

Baş verən insidentə baxmayaraq namaza gələnlər dağılışmayıb və imam xütbəsinə davam edib.

O, baş verən hadisəyə görə üzr istəyərək, cavabdeh şəxslərin məsuliyyətə cəlb olunacağını söyləyib.

İlhamə
Ölkə.Az