Niyaməddin Musayevdən Tolikə cavab: "Bir gündə sevişmək, bir gündə ayrılmaq..."

Xalq artisti Niyaməddin Musayev prodüser Tarix Əliyevin (Tolik) onun ifa etdiyi "Neynim" mahnısı haqda yazdığı şərhə münasibət bildirib.

Ölkə.Az-a açıqlama verən xalq artisti deyib ki, əvvəlcə mahnının sözlərinin fəlsəfəsini anlamaq, sonra münasibət bildirmək lazımdır:

"Mahnını Musa Musayev yazıb. Orada deyilmir ki, bir gündə yarandıq, bir gündə sevişdik, bir gündə ayrıldıq. Axı bunların hamısı eyni gündə necə ola bilər? Ona görə də günlərə bölmək lazımdır. Sözlərin fəlsəfəsi başqadır".

Qeyd edək ki, Tolik sosial şəbəkədə sözügedən mahnıyla bağlı yarızarafat status yazmışdı.

İntiqam VALEHOĞLU
Ölkə.Az