Mədəniyyət və incəsənət xadimlərinə medallar və fəxri adlar təqdim olunub
Muzey Mərkəzində Azərbaycan Prezidenti İlham Əliyevin sərəncamları ilə təltif olunan mədəniyyət və incəsənət xadimlərinə mükafatların təqdim olunması mərasimi keçirilib.
Ölkə.Az Report-a istinadən xəbər verir ki, tədbirdə Mədəniyyət və turizm naziri Əbülfəs Qarayev, mədəniyyət və incəsənət xadimləri iştirak ediblər.
Ə.Qarayev mükafatlandırılan şəxsləri təbrik edib, onların Azərbaycan mədəniyyəti və incəsənətinin inkişafında mühüm rol oynadığını bildirib.
Tədbirdə Səkinə İsmayılova, Vidadi Muradov, Ramiz Fətəliyevvə Ağaverdi Paşayevə təltif olunduqları “Şöhrət” ordeni, Cavid İmamverdiyev, Leyla Rəsulzadəyə “Tərəqqi”, Vaqif Əliyev, Natavan Əsgərova, Lətifə Məmmədova, Yusif Səfərov, Əhmədli Səmədovaya dövlət qulluğunda fərqlənmə medalı təqdim olunub.
Bundan başqa, Şamil Süleymanov, Munis Şərifova Xalq artisti, Rasim Cəfərov, Bəhruz Əhmədli, Nizami Abdullayev, Aybəniz Bağırova, Vasif Cəfərov, Nurlan Növrəsli, Telman Əliyev, Çingiz Əsədov, Ceyhun Qubadov, Nigar Şahmuradova, Viktoriya Şahmuradova, Xuraman Talıbzadəyə Əməkdar artist, Elxan Cəfərov, Müşfiq Hətəmov, Orxan Fikrətoğlu, Leyla Səfərova, Ülviyyə Kərimova, Əliqismət Lalayev, Cahangir Zəlimxanov, Fəxrəddin Atayevə Əməkdar incəsənət xadimi adı almaları ilə bağlı medal və sənədlər təqdim olunub.
Həmçinin Əməkdar rəssam, Əməkdar mədəniyyət işçisi adına layiq görülən şəxslər təltif olunublar.