"Gizlənpaç"ın təqdimat günü və bilet qiymətləri məlum oldu
Aktyor Müşviq Şahverdiyevin "Gizlənpaç" filminin təqdimat günü bəlli olub.
Müşviq Şahverdiyev Ölkə.Az-a verdiyi açıqlamasında, ekran işinin noyabrın 11-dən etibarən şəhərin bütün kinoteatrlarında nümayiş olunacağını bildirib: "Çox böyük əziyyətlər çəkdik, çətinliklərlə üz-üzə gəldik, amma sonda meydana əla bir film çıxardıq. Çox iddialıyıq, gözəl filmdir. "Gizlənpaç"a ailəlikcə gəlib baxa bilərsiniz. Uşaqlarla isə tam rahat. Bu film mənə çox doğmadır. Digər iki filmimdən çox bunu istəyirəm. Qala gecəsinə biletlər məhdud saydadır. Qala gecəsinə biletlərin qiyməti 15 AZN-dir. Noyabrın 12-dən isə bütün kinoteatrlarda biletlər 4-7 AZN arasında olacaq. Hər kəsi dəvət edirik. Peşman olmayacağınıza əmin olun. Gəlin birlikdə gülək."
