\"İraq hökumətini saya salan yoxdur\"

İraqla Türkiyə arasında gərginlik getdikcə artır.

Türkiyənin Mosul əməliyyatında iştirak etməsinə qarşı olan İraq hökuməti rəsmi Ankaranı İraqın daxili işinə qarşımaqda ittiham edir. Bundan əlavə, Türiyədə PKK-ya qarşı həyata keçirilən əməliyyatları da pisləyən İraq hökuməti Selahettin Demirtaş, Figen Yüksekdağın və digər parlamentarilərin sərbəst buraxılmasını tələb edib.

İraq prezidentinin mətbuat xidmətinin sədri Abdullatif Cemal Reşid Abdullah Öcalanın da həbsdən azad edilməsini tələb edib.

Politoloq Zərdüşt Əlizadə İraqla Türkiyə arasındakı gərginlik barədə fikirlərini Ölkə.Az-la bölüşüb:

"İraq hökumətini sayan yoxdur. İraq hökuməti heç öz ərazisinə nəzarət edə bilmir. İraq dövləti bir cəhətdən İrandan, bir cəhətdən də ABŞ-dan asılıdır. İraqın tələblərinə heç kim fikir vermir. Türkiyə ümumiyyətlə İraq hökumətinin tələblərini saymır.

İraq dövləti Türkiyəni acılamaq üçün Öcalanın həbsdən çıxarılmasını tələb edir, PKK-nı müdafiə edir. Rusiya ilə Türkiyənin münasibətləri pis olanda rus TV-ləri bütün gün "kürdüstanın" yaradılmasından danışırdılar. Elə ki, Rusiya ilə Türkiyə arasında münasibətlər nizamlandı "kürdüstan" məsələsi unuduldu. İraq hökumətinin tələbi də eynən onun kimidir. Türkiyə buna fikir verməyəcək".

Səxavət Məmməd
Ölkə.Az