Şəmkirdə qadın davası: birinin vəziyyəti ağırdır
Şəmkirdə 51 yaşlı qadın döyülüb.
Ölkə.Az xəbər verir ki, APA-nın qərb bürosunun verdiyi məlumata görə rayonun Seyfəli kənd sakini, 1966-cı il təvəllüdlü Məleykə Hüseynova müxtəlif bədən xəsarətləri ilə Şəmkir Rayon Mərkəzi Xəstəxanasına yerləşdirilib.
M. Hüseynovaya dərhal tibbi yardım göstərilib. Vəziyyətinin orta ağır olduğu bildirilir. Məlumata görə, qadın başqa qadınla dava zamanı döyülüb.
Faktla bağlı hüquq mühafizə orqanları tərəfindən araşdırma aparılır.
