Türkiyədə həbslər davam edir- 3 millət vəklili tutuldu

Ölkə.Az xəbər verir ki, istintaq çərçivəsində "HDP"-nin millət vəkilləri Ayhan Bilgen ve Meral Danış Beştaş həbs olunublar. Onlar yanvarın 28-də saxlanıldıqdan sonra dindirilmişdilər. Əvvəlcə barələrində həbs qərarı çıxarılmışdı. Lakin sonradan sərbəst buraxılmışdılar.

"HDP"-nin millət vəkillərinin azadlığa buraxılmaqlarına etiraz edən dövlət ittihamçısı məhkəməyə müraciət edib. Müraciətdən sonra onların yenidən həbs olunmaları barədə vəsadət qaldırılıb.

Bundan bir neçə saat sonra "HDP"-nin digər millət vəkili Lezgin Botan da saxlanılıb. Bərəsində “terroçulara dəstək vermə”, “silahların qanunsuz dövriyyəsi” maddəsilə cinayət işi başlanıb. Bu maddələrlə günahlandırılan millət vəkilini 11 ildən 40 ilə qədər azadlıqdan məhrumetmə cəzası gözləyir.

Siyasi ekspertlər isə hesab edirlər ki, belə həbslər hələ də davam edəcək.

Politoloq Arzu Nağıyev Ölkə.Az-a açıqlamasında bildirib ki, “HDP" məhz terrorla əlaqəsi olduğuna görə, PKK ilə əlaqəli olduğuna görə ümumiyyətlə gərək bunu parlementə buraxmayaydılar. Onun fikrincə, həmin vaxtlar demokratiyanı, humanizmi siyasətdən üstün tutaraq belə bir addım atdılar.

“Bunun nəylə nəticələndiyi isə artıq göz qabağındadır. Demək olar ki, bütün terror hadisələrində, dövlət əleyhinə olan çıxışlarda birinci növbədə bu partiya oldu. Məlum məsələdir ki, həmin partiya məhz PKK-nın havadarları tərəfindən maliyyələşdirilir. Onların əsas məqsədləri Türkiyədə hakimiyyətə gəlməkdir. Hətta 15 iyul hakimiyyətin çevrilişinə cəhd vaxtı da bütün partiyalar bunu pislədi, təkcə "HDP" bunu dəstəklədi”, - deyə A.Nağıyev bildirib. 

BURADAN OXU (Klikləyin)

Ziya Səccad
Ölkə.az