Amerikalı kikboksçunun azərbaycanlı rəqibi
Azərbaycan Kikboksinq Federasiyasının yığma komandasının üzvü, bir sıra nüfuzlu yarışların qalibi tanınmış peşəkar Xəyal Əhmədov 2017-ci ilin mart ayının 25-də Almaniyanın Frankfurt şəhərində peşəkar yarışda iştirak edəcək.
Bu barədə danışan idmançı yarışa ciddi hazırlaşdığını bildirib.
“Dünyada Azərbaycan adını ucaltmaqdan gözəl hiss ola bilməz. Bir idmançı üçün öz dövlətinin himninin ifa olunması və bayrağının ucaldılmasından şərəfli heç nə yoxdur. Rinqə bu amalla çıxırıq.
Azərbaycan Kikboksinq Federasiyasının prezidenti, millət vəkili Adil Əliyev bizə tövsiyyələrində bunu xüsusi qeyd edir.
Rəqibim Amerikalı kikboksçu Kris Taylordur. Kifayət qədər təcrübəli və güclü idmançıdır. Qələbə qazanacağıma inanıram”.
Ölkə.Az
