Dünya ətrafında 80 günə

"Ölkə.Az" xəbər verir ki, Bomond 80 günə dünyanı gəzib dolaşmaq niyyətindədir. Britaniyalı 80 günün 75-ini velosipedlə, 3 gününü isə uçuşlarda keçirəcək.

İki gün isə gözlənilməz hallar üçün nəzərdə tutulub. Velosipedçi bir günə 386 km məsafə qət edəcək. Ümumi olaraq isə Mark 29 min km məsafə qət etməlidir.

Bomond 2 iyul tarixində Parisdən start götürməyi planlaşdırır. O, Polşa, Litva, Rusiya və Monqolustandan keçərək Pekinə gedəcək. Oradan isə Avstraliya, Yeni Zelandiya və ABŞ-a keçəcək.

İdmançı deyib: "Uzun illərdir ki, bunu arzu edirəm. 12 yaşım olanda Şotlandiyada velosiped sürürdüm. O vaxtdan belə bir arzu ilə yaşayıram. Bu səfərlə məqsədim insanlara başa salmaqdır ki, imkanlarına meydan oxusunlar. Gənclər oturub 80 günlərinin necə olduğu barədə düşünsünlər".

Bomond 2008-ci ildə 195 günə dünya səyahətini başa vuraraq dünya rekorduna imza atmışdı.

Hikmət
Ölkə.Az