Vladimir Putinin ən sevimli lətifəsi hansıdır?
Rusiya prezidenti Vladimir Putin keçirilən mediaforumda regional mətbuatın suallarına cavab verib.
"Ölkə.Az" xəbər verir ki, Putin mediaforum çərçivəsində sevimli lətifəsi barədə sualı cavablandırıb. Rusiya prezidentinin sevimli lətifəsi partiya yığıncağı barədədir.
Üzünü mətbuat nümayəndələrinə tutan Putin lətifəni danışıb: "Sovet dövrü, partiya yığıncağı. Abram Semyonoviç əlini qaldırır, amma ona deyirlər: "Otur, səni hamı tanıyır". Görünür o, regional mətbuatdan olduğu üçün deyir: "Heç olmasa bir söz deyim". Aparıcı düşünür və cavab verir: "Yaxşı, cəmi 1 söz de". Abram Semyonoviç ayağa qalxır və deyir: "İmdad"".
Putin həm də qeyd edib ki, səhərlər yuxudan qalxmaqda çətinlik çəkir.
Hikmət
Ölkə.Az
