Sankt-Peterburq metrosunda yaralananlardan 2 nəfəri də öldü
Bu gün Rusiyanın Sankt-Peterburq şəhərində metroda törədilmiş terror aktı nəticəsində yaralananlardan 2 nəfəri də dünyasını dəyişib.
"Ölkə.Az" xəbər verir ki, bu barədə Rusiyanın Mariinskaya xəstəxanasından məlumat verilib. Verilən məlumata görə, xəstəxanaya daxil olan 11 yaralıdan ikisinin vəziyyəti son dərəcə ağır olub. Həkimlərin səyinə baxmayaraq onların həyatını xilas etmək mümkün olmayıb.
“Mariinskaya xəstəxanasına 11 xəstə daxil olmuşdu. Xəstələrdən 2 nəfəri kliniki öğlüm vəziyyətində idi. Həkimlər onları həyata qaytarmaq istəsələr də, bu mümkün olmadı. Digər xəstələr isə palatalara yerləşdirilib.
Qeyd edək ki, bu gün Rusiya vaxtı ilə saat 14:30-da Rusiyanın Sankt-Peterburq şəhərində metroda terror aktı törədilib. Rusiya səhiyyə naziri Veronika Skvortsova bildirib ki, hadisə nəticəsində 10 nəfər ölüb, 47 nəfər yaralanıb.
Ziya Səccad
Ölkə.Az
