Neftçalada motosiklet aşıb, 2 nəfər xəsarət alıb
Neftçalada ağır yol-nəqliyyat hadisəsi baş verib.
Axşam saatlarında Salyan-Neftçala avtomobil yolunun Aşağı Surra kəndindən keçən hissəsində motosiklet yoldan çıxaraq aşıb.
Nəticədə Salyan rayonunun Babazanlı kənd sakinləri, 1980-ci il təvəllüdlü Qocayev Natiq Cahangir oğlu ağır kəllə-beyin travması və 1976-cı il təvəllüdlü Salamzadə Mehdi Gündüz oğlu kəllə-beyin travması ilə Salyan Mərkəzi Rayon Xəstəxanasının reanimasiya şöbəsinə yerləşdirilib.
Faktla bağlı Neftçala rayon polis şöbəsində araşdırma aparılır. (APA)
Ölkə.Az
