Misirdə kilsələri partladanlardan birinin kimliyi məlum oldu
Aprelin 9-da Misirin İsgəndəriyyə şəhərində kilsədə terror aktı törədən şəxslərdən birinin kimliyi məlum olub.
"Ölkə.Az" xəbər verir ki, Misirin güc strukturlarından verilən məlumata görə, kilsədə özünü partladan 1986-cı il təvəllüdlü Mahmud Mubarək Abdullahdır. Digər şəxsin isə kimliyi hələlik məlum deyil.
Misirin Tanta şəhərində kilsəni partladan terrorçu-kamikadzenin də kimliyi müəyyən edilməyib.
Qeyd edək ki, Tanta və İsgəndəriyyə şəhərlərində kilsədə terror olub. Naməlum şəxslər kilsəyə girərək, özlərini partladıblar. Hadisə zamanı 20-ə yaxın insan ölüb. Ölənlər arasında polis də var.
Terrora görə İŞİD terror təşkilatı məsuliyyəti öz üzərinə götürüb.
Ziya Səccad
Ölkə.Az
