İranda Messinin oxşarı məşhur olduğu üçün həbs edildi

Qısa müddətdə İranda Barselona” klubunun argentinalı hücumçusu Lionel Messinin oxşarı kimi məşhurlaşan Rza Parasteş həbs edilib.

“Ölkə.Az” xəbər verir ki, Rza Parasteşi Həmədan şəhərində ictimai asayişi pozduğu üçün saxlayıblar. Polis tərəfindən saxlanılan Rza günahsız olduğunu bildirib.

“The Telegraph” qəzetinin yazdıqlarına görə, Rza Parasteşi küçədə avtomobilinə minmək istəyərkən çoxsaylı heyranları tərəfindən saxlanılıb. İnsanlar onunla şəkil çəkdirmək istəyiblər. Bu zaman küçədə böyük izdiham yaşanıb.

Sakit küçələri ilə tanınan Həmadan şəhərində ilk dəfə canlanma görən İran polisi dərhal məsələyə müdaxilə edib. Polislrə “ikinci Messi”ni tutublar. Hələlik ona veriləcək cəza barədə heç bir məlumat verilməyib.

Qeyd edək ki, 25 yaşlı Rza Parasteşi tələbədir. O, bir neçə ay bundan əvvəl “Barselona” formasındakı şəkilini İnternetdə yerləşdirdikdən sonra dünyada məşhurlaşıb. Bu səbəbdən də, universitetdə, küçədə və ictimai nəqliyyatda hər kəs onunla şəkil çəkdirmək istəyir.

Ziya Səccad
Ölkə.Az