Lavrov Trampla görüşün nəticələri barədə danışdı

“Ölkə.Az” xəbər verir ki, Sergey Lavrov görüşdən sonra jurnalistlərə açıqlamasında danışıqların səmərəli keçdiyini bildirib. Onun sözlərinə görə, görüşdə əsasən Suriya məsələsi, Astana danışıqlar, Ukrayna problemi, Əfqanıstandakı vəziyyət müzakirə olunub.

“Görüşdə Astanada keçirilən sonuncu danışıqlar barədə müzakirələr aparıldı. Bundan başqa, hazırda gündəmdə olan məsələlər barədə məsləhətləşmələr oldu. Beynəlxaql məsələlərdə ABŞ və Rusiya arasında müəyyən anlaşmalar var”, - deyə S.Lavrov bildirib.

Rusiyalı nazirin sözlərinə görə, Obama administrasiyasına nisbətən Tramp hökuməti daha obyektiv və azad qərarlar verir:

“Obama hökumətinə nisbətən hazırkı görüşlər daha rahat və effektiv keçirilir. Görüşlərdə azad qərarlar verilir. Prezident Tramp tam aydın şəkildə bildirdi ki, mövcud problemlərin həllində maraqlıdır və bu istiqamətdə öhtəsinə düşən qərarları verəcək”.

Qeyd edək ki, Lavrovun bu səfəri ABŞ-ın xarici işlər naziri Reks Tillersonun 12 apreldəki Moskva səfəri çərçivəsində aparılan danışıqların davamı olaraq baş tutub.

Ziya Səccad
Ölkə.Az