Öz ölümünü əvvəlcədən bilən Şipton Ana

Şipton ana ölümünü də əvvəlcədən xəbər verən kahindir.

“Ölkə.Az” bu gün oxucularına bu kahin qadın haqqında və onun öncəgörmələri barədə məlumat verəcək.

1488-ci ildə İngiltərədə 18 yaşlı Aqata Souzayl doğuş vaxtı vəfat edir. Aqata öldüyü yerdə dəfn edilir. Anadan olan qız uşağı isə gizlədilir. Çünki körpə anormal idi. Onun anormal ölçüdə başı, çəp gözləri, yanaqları çökük, ağzı isə dişlərini göstərən bir deşiyə bənzəyirdi. Amma onun baxışları fərqli idi. Qolları və ayaqları isə bədəninə quraşdırılmış kimi uyğunsuz formada idi.

Uşağı çox gizlətmədilər. Kəndin dini heyəti tələb etdi ki, kimsə uşağa sahib çıxmalıdır. Yaşlı və xoşxasiyyətli bir qadın uşağa baxacağını bildirdi. Körpəyə Ursula adını verdilər. Ursla qəribə bir uşaq idi. Gündə 1-2 saat yatır, sonra oyanırdı. Gözləri daim bir nöqtəyə zillənirdi. Gecələr evin pərdələri uçuşur, qapılar çırpılır, pəncərələr cırıldayırdı. Evin çölündə müntəzəm olaraq vəhşi pişik səsləri gəlirdi. Bir gün evə qayıdan qadın uşağın beşiyinin boş olduğunu görür. Evdəki əşyalar qırılmış, sobanın qığılcımları ətrafa səpələnmişdi. Gördüyü mənzərədən qorxuya düşən qadın baş verənləri qonşulara danışır. Qonşular uşağın cinlər tərəfindən qaçırıldığını iddia edir. Amma sonradan uşaq bacanın içindən tapılır. Heç kəs baş verən hadisənin nə olduğunu izah edə bilmir. Ursula belə hadisələrlə yavaş-yavaş böyüdü. Analığı Ursulanın məktəbə gedərək oxuma-yazma öyrənməsini istəyir.

Ursula təfəkkürü və zəkası ilə qısa müddətdə bütün müəllimlərin sevgisini qazanır. Amma tələbələr onunla pis davranılar. Ursula ona qarşı edilən həqarətlərdən qisas almaq fikrinə düşür. Qəflətən tələbələrin paltarları yanır, müəyyən tələbələr gecə vaxtı kabusdan qorxaraq yuxudan oyanır və ağlamağa başlayırlar. Ursula ilə dalaşanların başına göydən sözün əsl mənasında daş yağır. Mövzu ailələr arasında müzakirə edilir. Nəticədə Ursulanı məktəbdən uzaqlaşdırırlar.

Bir neçə il sonra gənc qadın olan Ursulanın artıq öncəgörmələri sayəsində adı bir çox dairələrdə çəkilir, insanlar ona hörmətlə yanaşmağa başlayırlar. Uzaq ölkələrdən gələn qonaqlar onunla məsləhətləşirdilər. Ursulaya “Knaresburqun bilən şəxsi” ünvanı verildi. Xüsusən də sevgi məsələlərində və aşiqlərin gələcəyi mövzusunda dəqiq öncəgörmələr deyirdi.

1512-ci ildə 24 yaşlı Ursula Tobi Şipton adlı bir şəxslə evləndi. Tobi haqqında başqa heç bir məlumat yoxdur. Ursula artıq bu dövrdə “Şipton Ana” ünvanını almışdı və bütün vilayətdə hamı onu tanıyırdı. Gələcəkdən xəbər vermə qabiliyyəti onun getdikcə sehrbaz olaraq məşhurlaşmasına yol açdı.

Bəzi tarixçilərin fikrinə görə, Ursula artıq bu dövrdə öncəgörmələrin xronologiyasını hazırlamağa başlayıb. Kral və kraliçaların ölümlərini, İngiltərənin gələcəyini xəbər verdi. Savaşlardan və tarixi hadisələrdən bəhs etdi. Ursulanın yaşadığı 15-16-cı əsrlərdə atlı arabalardan nəqliyyat vasitəsi kimi istifadə edilirdi. Amma Şipton Ana atsız hərəkət edən arabalardan, yelkənsiz hərəkət edən gəmilərdən danışırdı. O, dəmirin suyun üstündə taxta kimi batmadan üzə biləcəyini bildirirdi. 17-ci əsrin ən böyük fəlakətlərindən biri 1666-cı ilin oktyabr ayında Londonda vəba epidemiyası tüğyan etdi və böyük yanğın baş verdi. Ursula bunları əvvəlcədən bilirdi və bu barədə əvvəlcədən yazmışdı.

Tarixçi Pepisin 1666-cı ilə məxsus gündəliyində Şipton Ananın öncəgörməsi barədə açıq-aydın məlumat var. Ursulanın öncəgörmələr barədə məlumatı necə əldə etdiyi barədə heç nə bilinmir. Kardinal Vulsey dünyasını dəyişdikdən sonra Ursula səssiz və sakit həyat tərzi sürür. Mənbələrdə də Vulsey hadisəsindən sonra təfərrüatlı məlumatlara rast gəlmək mümkün deyil. Elə bil ki, Vulseyin ölümündən sonra Şipton Ana barədə danışmaq qadağan edilir.

Şipton Ana 1561-ci ildə Naresburqda Droppinq Vell yaxınlığında vəfat edib. Öldüyü vaxt bütün Britaniyada tanınan və sayılan kahin idi. Ölümünün vaxtını və necə olacağını əvvəlcədən söyləmişdi. Bu səbəbdən həyatı boyu inkivizasiya məhkəməsindən heç vaxt qorxmayıb.  Çünki Orta Əsrlər Avropasında falçıları və cadugərləri təqib edən inkivizasiya məhkəməsinin ona toxunmayacağını bilirdi. Öləcəyi gün səhər tezdən yatağına girdi və yuxuya getdi. Şipton Ana bu dəfə yuxudan oyanmadı, o, əbədi yuxuya getdi. Özünün dediyi kimi 3 iyiri və bir ön üç il, yəni 73 il ömür sürüb.

Şipton Ananın bəzi öncəgörmələri bunlardır:

Ağac altındakı yerdə qızıl tapılacaq. Bütün İngiltərənin uşaqları torpağı şumlayanda kitab tez tez onun əlində olacaq. Səma cisimlərini öyrənəcək. Yoxsul olan o, böyük elmə sahib olacaq.

Böyük evlər vadilərə çevriləcək. Alovlu il qısa müddətə gələcək, sülh əvvəldən olacaq. Hər yerdə bolluq olacaq. Kişilər qılıncları ilə tarlaları şumlayacaqlar. Dənizlərin qana boyandığı vaxt yetişəndə böyük sellər olacaq. Atsız arabalar gedəcək (avtomobillər). Fəlakətlərdən dünyada səsdən qulaq tutulacaq. Londonda bir çiçəyin təpəsi olacaq. Mərkəzdə də bir din adamının baxışları olacaq.

Dünyanın ətrafında insanların düşüncələri uçacaq (simsiz telefon). Gözünü açıb-bağlayana qədər bunlar baş verəcək. Sularda böyük möcüzələr olacaq. Bütün bunlar reallığa çevriləcək (XX əsr). Təpələrin arasında qürurlu adam gəzəcək. Yanında nə bir at, nə də bir eşşək olacaq.

İnsanlar suyun altında gəzəcək. Ağda və qarada, hətta yaşılda da böyük bir adam gələcək və gedəcək (Apollo kosmik gəmiləri).

Bu öncəgörmələrin bəzilərini rahatlıqla başa düşmək mümkündür:

 Suda dəmir taxta kimi asanlıqla üzəcək. Burada gəmilər nəzərdə tutulub.

Qızıl dərələrdə və daşlarda axacaq. Qızıla hücum nəzərdə tutulub.

 Hələ bilinməyən torpaqlarda və İngiltərə bir yəhudini qəbul edəcək. Bilinməyən torpaqlar ABŞ, yəhudi isə baş nazir Disraelidir.

Şüşələrin evə gələcək və keçəcək. İngiltərədə bu hadisələri çox təəssüf ki savaş müşayət edəcək. Orada bütpərəst və Türk oturanda bu ölkələr şiddətli bir münaqişəyə cəlb olunacaqlar. Bir-birlərinin həyatını söndürməyə çalışacaqlar. Beləcə şimal və cənuba bölünəcək. Qartal aslanın ağzında olacaq.

Bir meymun bir əksik ildə ortaya çıxacaq. Burada AİDS xəstəliyi nəzərdə tutulur. Bütün qadınlar qorxu içində olacaqlar. Kişilər mübahisə edəcəklər və roma inancı dərinləşəcək. Bütün İngiltərə başdan-ayağa çalxalanacaq. Göy gurultusu dünyanı lərzəyə gətirəcək. Şimşəklər ayrı göyləri deşəcəklər. Dünyanı su basacaq, atəş öz işini görəcək.

Fransa üç dəfə qan rəqsi oyununda lider olacaq. Xalq müstəqil olmadan əvvəl 3 salım hökmdar görəcək. Burada Robespiyer, Napalyon və Pentain nəzərdə tutulub. 
Üç dəfə xalq özünü idarə edəcək. Burada Fransadakı üç respublika nəzərdə tutulur. 

Böyük problemlər olanda Fransa və İngiltərə birlik olacaq. Burada 1-ci və 2-ci dünya müharibələri nəzərdə tutulur.

Hikmət
Ölkə.Az